Areetako Zirkun Zirko eskola aurkezten dizuegu. Zirku-eskola polit eta abegikor bat da, kontu handiz zaindutakoa, ahalik eta erosoen sentitu zaitezten. Denetarik daukagu: elbarrientzat egokitutako komun bat (helduentzako eta haurrentzako), berogailua, aire girotua eta jarduera desberdinak egiteko lurzoru-mota desberdinak.

 
Zirkun Zirko eskola toki aparta da zirkuaren munduan lehenengo pausoak emateko. Bertan, askotariko zirku-materialak aurkituko dituzu: malabarak, monozikloak bizikleta txikiak, trikimakoak, pedaloak... Baita aireko mugimenduak egiteko egitura bat ere, oihalean eta trapezioan lehenengo nozioak ikasi ahal izateko.

 
Bertan eskaintzen ditugun ohiko zirku-eskolak egiteko prest dago, baita urtebetetze eta jaunartze festak ospatzeko ere. Horretarako, askaria hartzeko atal bat daukagu, eta guztiz sorpresa gehiago.

Areetako Zirkun Zirko eskolan zirku-ikastaro pertsonalizatuak eskaintzen ditugu:

• Zirku-eskola partikularrak (gehienez ere hiru pertsona).
• Talde txikientzako zirku-eskolak (gehienez ere sei ikasle).
• Beharrizan bereziak dituzten haurrentzako zirku-eskolak.
• Bertikalak egiteko helduentzako eskolak.

Gure ikastaroetan, ikasleak zirku-espezialitate desberdinetan trebatzeaz gain, zirkuaren bidez garapen fisikoa lantzen dugu: malgutasuna, indarra, oreka, psikomotrizitatea, arintasuna... Baita gaitasun pertsonalak ere: emozioak kudeatzea, autoestimua, nork bere burua gainditzea, kontzentrazioa, frustrazioa kudeatzea, energia askatzea, pazientzia eta autokontrola lantzea, estresa eta antsietatea sormen-energia bilakatzea...

Ikastaroak talde txikitan ematen ditugunez, gure eskolan lan pertsonalizatua eta adikorra eskaintzen dugu; horiek horrela, ikasle bakoitzaren beharrizanetan arreta jartzen dugu, alderdi fisikoari, pertsonalari edo artistikoari dagokienez.

4-5 urte:

• Bi larunbat hilean: 11:15-12:30
• Astearteetan 17:15-18:15

6-8 urte:

• Bi larunbat hilean: 12:45-14:00
• Astearteetan 18:30-19:30

9-12 urte:

• Astelehen edo/eta ostegunetan, 18:45-19:45

*Gazte eta helduentzako ikastaro bertikalak

astelehenetik ostiralera 20:00etatik 21:30era.

GALDAKAOKO EGUZKIBEGI IKASTOLA

BILBOKO KARMELO IKASTOLA

GETXOKO GOBELA IKASTOLA

GETXOKO SAN NIKOLAS IKASTOLA

SOPELAKO ANDER DEUNA IKASTOLA

PLENTZIAKO KULTUR ETXEA

ARMINTZAKO KULTUR ETXEA

UBIDEKO KULTUR ETXEA

SONDIKAKO GORONDAGANE IKASTOLA

Ikastaro hauetan parte hartzeko interesa izatekotan, jar zaitez gurekin harremanetan edo zatoz zuzenean eskolak ematen diren zentroetara.

Gure lokal berrian Zirkun Zirkoren bulegoak ere aurkituko dituzue, bertan, atsegin handiz emango dizuegu arreta.